Poesie dialettali bergamasche

Ol Brèmp

di don Guilio Gabanelli

"Ol Brèmp" l'è 'l fiöm, la vàl, la zèt,l'è töt chèl che s'pöl dì con d'öna sul paròla sö töt ol nòst paìs !
Töcc i pàìs che l'tòca i porta ol sò cògnom perchè l'è pròpe 'l pader che i l'à 'ncrusàcc insèm al tèp de la sò föria quando da prepotènt tra i mùcc e la pianüra 'l sè svergulàa a in gìro decìs come ü serpènt !

Adès in sèrti pòscc l'è apèna ü pissaròt che l'te 'ncànta 'ntùren a fà razzà i ranòcc !
Ma se per caso l'tùrna amò de bùna lèna, a l'part al tròt, de còrsa, e piö nigü i lo frèna.
Quando l'curia col trèno come se l'gh'ies i urare pròpe coi sò stassiù l'indàa piö fort piö lènt, sènsa scoldà 'l mutùr.

Ma adès che sto govèrno, fòrse per modernàs, l'à majàt fò pò a' l trèno l'à decidìt de fàs, a' lü, coi pensiunàcc che i par ü füneràl quando gh'è poca zèt e töcc i sìrca almèno dè fà bordèl coi prècc !
Se o rìa pò i pescadùr, de sòlet forestèr, che i pènsa de pescà e i càla zó i sò rècc: da töce i sculadüre i rìa come nedròcc öna clossàda 'ntrèga dè stràs e scatulòcc !

Gh'è piö gna ü cà de sügo che s'tròes sö stò torènt gna ch'a pissàga dèt per fàga ü complimènt !
Forse gh'è la speransa che l' cambie ol ritornèl e l' tùrne 'ndrè col treno ol Brèmp col sò tèp bèl;
e l'tùrne amò a stimàs, ol Brèmp, che slarga i bras per dàga a töcc la pas !